本期內容簡介
 
《文學客家》第27 期編印出版，本期用「客家童謠大家念」做專輯，刊出馮輝岳老師个童謠寫作，呈現母語書寫動物、植物、器物、親情同民俗个成果，留下客話深情个紀錄。馮輝岳，一個出身桃園龍潭个子弟，認可自家生長个土地，教學客語文學又發表了盡多客家童謠作品，係一位傑出个兒童文學作家。
本期發表个作品，包含葉日松〈空中看花蓮〉、江昀〈花開个味緒〉、曾俊鑾〈攞味！攞味！〉、邱湘雲〈種—寫分高雄氣爆受難者家屬〉，都係感動人心个深情描寫。曾俊鑾〈薪傳師个畫像〉、張美煜〈阿公買分𠊎个新衫〉、徐貴榮〈無完成个學業〉等作品，客話腔頭反應出豐沛个地方風情摎感情，趣妙文筆有鄉土生活个味緒。還有關懷現實个詩歌文章，乜在黃有富、邱一帆、涂瑞儀等个筆底下，書寫出新時代个感嘆萬千。
本刊係用季刊个型式發行，下一期截稿日期係2 月20 日，歡迎所有認同客語文學創作个人，熱情加入編寫个行列，共下來寫作、投稿摎閱讀，發展有意義个客家文學活動。