本期內容簡介
 
編輯个話
 
各位朋友，又係冬頭收成个季節，相信每位朋友定著有淰淰个收成。《文學客家》第39期就用「收成」做專題，來肯定來祝福本刊个讀者作，期待客語文學个所有好朋友淰淰个收成！
 
這期專題有黃永達先生个新作〈菜脯鹹菜都入甕〉、張捷明先生个同書名共精采个作品〈幸福果刺波仔〉，阿熱姐先生个散文〈初冬生活札記〉、余惠蓮先生个散文〈貌頭阿相牯〉、黃坤盛先生个新詩〈金黃个季節〉、邱敏媛先生个 〈收冬戲〉、哈可星先生个〈感謝爺娘〉詩篇，懷舊、感恩在這个時節，讀來特別燒暖。
 
盡承蒙邱一帆、徐貴榮、王興寶、江昀、賴文英、劉明猷、徐碧美、黃有富、徐儀錦、日頭花、張瑞珍恁多先進提供新詩作品，還有馮輝岳先生个〈評審雜記〉、江秀鳳先生个〈阿胡牯訂婚〉、陳文姬先生个〈紅粄印記〉、李秀琴 先生个〈箱根鐵道啟示錄〉、徐佳妤个〈又見蘭花開〉、東海人个〈著驚五分 鐘〉、 細魚仔个〈放勢騎〉、莊家驥个〈你个客話 𠊎聽毋識〉散文，記錄所想。黃火廷客語小說个〈財夢〉，講過去時行一站時間个「大家樂」求明牌个家庭故事 ，盡有意思。還曾鳳嬌先生个講古系列，同徐儀錦〈客家味緒〉都盡有味緒。
 
童詩畫單元分細人仔有發表機會，特別个係這期「有影 有跡」豐富个生活圖文紀錄，從大陸、加拿新竹講客家人个腳跡，用客話寫𠊎等个文學生活，請大家繼續行下去 ！