本期內容簡介

編輯个話

為著愛鼓勵客語兒童文學創作，發表創新形式同內容个作品，今年在疫情繃緪之下辦理客家兒童文學創作獎，承蒙各界
支持，這46期《文學客家》就用「2021客家兒童文學創作獎得獎作品集」做專題，來同大家分享！
這期專題〈2021 客家兒童文學創作獎得獎作品集〉，有詩歌、童話故事兩類，各分做學生組、成人組，總共收著146件作品，經過評審，公布了得獎名單，大家在網路頂項分享得獎个歡喜同客語創作个認同感，正經當感動。真希望這恁多股創
新能量，做得為客語兒童文學寫作帶來源源不斷个活水。
承蒙胡明華、黃有富、哈可星、苔原、洪仁銘提供新詩作品，馮輝岳、江昀、王興寶个說理式散文；江秀珍、吳宣瑩、彭碧鸞、劉純汝先生客語翻譯葉國居个華語作品，分讀者深入欣賞散文个文藝美學。
這擺〈有影有跡〉單元有兩篇，一篇係創會理事長黃子堯，用歷史圖文紀錄〈臺灣客家語言文化个榮光〉；另一篇係左春香同古國順先生个師生情緣，從個人个角度來懷念大師傅。
長篇个部份，有〈小說〉1 篇〈陂塘〉係吳聲淼短篇小說集《紅橋水聲》之一，講各種不同个水生細動物个生態環境情
形。〈故事〉3 篇，李得福、曾鳳嬌、客人講古團隊從不同社會層面來講六堆江湖、人生、公婆相處个古，當有趣味。
多謝大家來稿相添，分《文學客家》緊來緊豐富！