本期內容簡介

編輯个話
辛卯年夏至節日已經到咧！熱[][]个天時，日頭恁大，出門記得愛擎遮仔抑係載頂大帽仔，來遮炣人个[]日頭。毋知生活上，你還有別種會分人涼爽个方法無？還係會愐起頭擺在熱天時節，你會想吃、會想做、會想搞个生趣事情無？《文學客家》專刊第五期愛用「熱天時節客庄尋尞」做主題，帶大家來讀發生在客庄，一篇篇會分人清涼个生趣文章。
本期採選黃永達用詩歌「『縱谷个仲夏夜个夢』」寫出熱天暗晡頭个心情；張淑玲用詩歌記下頭擺「記得細細在樹下」个生趣事；邱一帆个詩歌「火焰蟲」，讚揚熱天暗時个火焰蟲；看許瑞琴寫「該個無人知曉个下晝頭」文章，定著會分你愐起頭擺，該兜分你透心涼个故事；林櫻蕙个「番瓜金磚」係一盤熱天會分人開胃个料理。

故所以，逐擺个文章投稿、選文方面，編輯會安排一个專題，做得分出版刊物，達到豐富客家个鄉土風情，增加多樣个文學風采；乜鼓勵對客家文學寫作有興趣个鄉親、朋友，多提供客家詩歌、散文、小說、戲劇、童謠、兒歌、童話、評論、藝文活動、出版報導等方面个作品。
本刊以季刊个方式出版、發行，下一期个截稿日期係8月20日。歡迎所有認同客語文學創作个人來寫作、投稿摎閱讀，乜盡歡迎四方各界來贊助，大家共同對客家文學寫作，可以繼續支持摎推廣。