本期內容簡介

編輯个話
《文學客家》第11期編印出版，本期主題「民間故事鄉土情」，發表鍾振斌、古賢仁、徐貴榮、吳餘鎬、黃永達、黃春賢等个民間鄉土故事書寫，這種書寫方式：有傳說、有歷史典故，還有一種文化傳統个內容摎解說，做得呈現風土民情，描寫人情世故，增加客家母語寫讀民間文學个風采，達得大家來投入。
在長篇个文章方面，本期刊用黃火廷小說〈情殘夢碎〉、張捷明个評論文章〈真客語假桐花〉。兩篇文章个用詞用字，堵好反應出南、北台灣客語个情況，分享盡多生活心情同人間个感嘆。
連續辦理个「文學客家‧下晝茶」活動，係用作品合評个型式談論文學著作，本期用羅秀玲《相思 落一地泥》做主題，承蒙鄉親文友熱情來參加，討論內容做成記錄發表出來。

本刊係用季刊个型式發行，下一期截稿日期係2月20日，歡迎所有認同客語文學創作个人，加入編寫个行列，共下來寫作、投稿摎閱讀，當然，也盡歡迎四方各界个贊助、推廣，發展有意義个客家文學活動。