本期內容簡介

編輯个話

《文學客家》第 55 編輯完稿，詩文成果承蒙各界支持，這 期就用「客家母語傳承甘苦談」做專題，來同大家分享！ 這期專題「客家母語傳承甘苦談」，係針對台灣客家母語教 學現場，「薪傳師」就係客語教師，在各級學校，社區安排客語 課程，用歌唱、朗讀、演講等方式，來鼓勵客語个文化、認識 客家人文、生活風情，進一步愛去參加「客語認證考試」，做得 在公開媒體頂項分享客語學習个經驗，人講「客家話係面臨傳 承危機个語言」，承蒙葉金華、江秀珍、余惠蓮、廖惠貞、張美 煜、徐儀錦、曾鳳嬌、陳笑一、邱湘雲先生用文筆來寫客語教 學个歡喜同艱苦，也帶來淰淰个台灣客家民情民意个解讀。 這擺〈有影有跡〉單元有一篇，係台東客家學堂舉辦「客 家女聲台東展演記－客家女聲摎台東講客少年團合作展演客家 女性文學」个報導，今年 8 月份發表个展演會，包含客語、華 語、英文个應用，使得這場展演活動精彩又順序。 承蒙邱子瑜、黃有富、涂瑞儀、彭月春提供新詩作品，張 瑞珍、李得福、哈可星、彭欽清先生个散文作品；小說欣賞 1 篇，張捷明先生作品〈1945.問仙〉，還有「故事」1 篇，曾鳳嬌 先生講古。評論 3 篇，有王興寶、左春香个論述，提供大家共 下來欣賞。 歡迎投稿，希望《文學客家》緊來緊好、緊來緊豐沛！