本期內容簡介

編輯个話

《文學客家》第 56 編輯完稿，詩文成果承蒙各界支持，這 期就用「開春過後个客語傳播」做專題，來同大家分享！ 這期專題「開春過後个客語傳播」，係針對台灣客家母語廣 播現場，節目製作人就係節目主持人，用歌唱、唸讀、講演等 方式，來講解客語个文化、認識客家人文、生活風情，在公共 媒體頂項分享客語放送个經驗，承蒙黃永達、余惠蓮、廖惠貞、 左春香、胡祺梓、彭歲玲先生用文筆來寫出客語傳播工作个歡 喜同艱難，也帶來淰淰个台灣客家媒體人个思考，講出客家个 觀點同台灣社會个民意民情……。 這擺〈有影有跡〉單元有一篇，係「詩人陳寧貴紀念詩輯」 个報導，包含客語詩 4 首同詩人生平紹介，使得詩人一生个展 演留下了一份客家歷史紀錄。 承蒙黃有富、王興寶、彭心怡、劉康威、馮輝岳、哈可星、 邱春健先生提供新詩作品，劉珍齡、王興寶、莊家冀、彭欽清 先生个散文作品；小說欣賞 1 篇，黃彥菁先生作品〈同學會〉， 還有「故事」1 篇，曾鳳嬌先生講古。短劇 3 篇，係 2023 六堆 忠義文學獎得獎个作品。評論 2 篇，有黃子堯、左春香个論述 文章，提供大家共下來欣賞。 歡迎投稿，希望《文學客家》這份客語文學刊物，緊來緊 好、緊來緊豐沛！