本期內容簡介

編輯个話

《文學客家》第 57 編輯完稿，詩文成果承蒙支持，這期就用「客韻靚聲-2024 客家詩歌節」做專題，來同大家分享！  這期專題「客韻靚聲-2024 客家詩歌節」，係每年端陽佳節(詩人節)，安排有客家書展、詩歌論壇、詩歌展演等活動，鼓勵寫出客家个文化、人文同生活風情，在公開場所分享客語詩寫作个經驗，承蒙邱一帆、湘子、王興寶、鍾麗香、余惠蓮、廖惠貞、彭歲玲、徐儀錦、林錫霞、劉明猷、鍾振斌先生用文筆來描寫客家子弟个生長經驗，也帶來淰淰个各地風情。 
 這擺〈有影有跡〉單元有一篇，係林素平描寫「消失个美濃菸田」个報導，時代環境个改變，做為經濟作用个菸草產業，在客莊个情景應用，一年過一年分人分散又取代，使得這場生命个活動故事，精彩又帶有一份哀傷！ 
 承蒙黃有富、李秀琴、饒維星提供新詩作品，莊家冀、彭欽清先生个散文作品；小說 1 篇，王興寶先生作品〈殺人無罪〉，還有「故事」1 篇，曾鳳嬌先生講古。 
 「薪傳客詩」- 推出校園作品，本期「台北市大同國中學生作品集」，刊出 14 篇學生詩歌作品。認同六堆忠義文學獎活動宗旨，為保存母語文化、推廣客語文學創作，並借等優秀作品客語口說藝術（打嘴鼓、短劇）劇本提供客語教學輔助教材，本期短劇單元刊登文學獎兩篇優勝作品，大家共下來欣賞。 
 歡迎投稿，希望《文學客家》緊來緊好、緊來緊豐沛！