本期內容簡介
 
《文學客家》第24期編印出版，本期用「杜潘芳格紀念詩輯」做專輯，感念女詩人一生人个詩文學寫作，呈現母語書寫生活、民俗、信仰个成果。詩人杜潘芳格，1927年出身新竹新埔，1965年加入強調本土意識个笠詩社，八○年代開始客語詩个創作。九○年代識擔任《台灣文藝》雜誌社社長，女鯨詩社社長；1992年用詩集《遠千湖》，得着第一屆陳秀喜詩獎。2007年，行政院客委會頒發「客家貢獻獎」傑出成就獎。2008年得着真理大學「台灣文學家牛津獎」个肯定。
本期發表个作品，包含徐貴榮个〈賤〉〈還平安〉，邱一帆〈靈魂故鄉〉，湘子〈最遠个地方〉等，客話腔頭反應出豐沛个地方風情摎感情，趣妙語言有鄉土个味緒。還有關懷現實時局新聞个文章，乜在黃有富、張美煜个筆底下，書寫出這個時代个盡多感嘆。
本刊係用季刊个型式發行，下一期截稿日期係5月20日，歡迎所有認同客語文學創作个人，熱情加入編寫个行列，共下來寫作、投稿摎閱讀，發展有意義个客家文學活動。